Letlotlo Setlago

Letlotlo Setlago o belegwe ka ngwaga wa 2002 Hlakola 06, motsaneng wa Tooseng tikologong ya GaMphahlele. Ke leitšibolo ka lapeng, ke lefahla. O thomile sekolo sa digotlane sa Boschplaasts, Tooseng GaMphahlale. A tloga a ya sekolo se se phagamego sa Kgwadiamoleke go fihla ka mphato wa 10. O phethile lengwalo la gagwe la Marematlou sekolong se se phagamego sa Thoko Thaba motseng wa Thokoza lefaseng la Gauteng. O ile a tšwetša dithuto tša gagwe pele kholetšing ya SACAP (South African College of Applied Psychology) a dira thuto ya Communication Counselling, a tlogela gare ga thuto ka morago ga kotsinyana yeo e ilego ya mo hlagela. Morago ga kotsi ga a dula fase, o ile a hlabela  pele ka go ingwadišetša dithuto tša Media Studies gola Gauteng City College, go yo dira thuto ya Film and TV Production. Ka tša bongwadi o hlohleleditšwe ke morutiši wa gagwe, le yena a bona e le toro goba bjona bokgoni bjoo a ka bo phethagatšago.